DAVID PINTOR: VOCAL DE ILUSTRACIÓN

A directiva de Gálix segue medrando!
Temos o enorme pracer de anunciar que o debuxante David Pintor acaba de asumir o cargo de Vocal de Ilustración.
Con esta nova incorporación, a directiva representa tamén a un sector fundamental para a literatura infantil e xuvenil: a ilustración.

Benvido, David. É un luxo contar contigo.

Estamos segur@s de que a túa axuda só nos traerá alegrías.

Premio Estornela para Carlos Labraña

A obra Teatro de Xoguete, de Carlos Labraña, gañou o VI Premio Estornela de Teatro para nenos e nenas, convocado pola Fundación Xosé Neira Vilas. O xurado, composto por Xosé Neira Vilas, Valentín García Gómez e Xoán Andrés Fernández Castro, acordou por unanimidade conceder o premio a esta obra, composta por tres representacións teatrais distintas que levan por título Á procura das andavías xigantes, Os xoguetes esquecidos e Voa, voa, Papaventos, que conforman "un conxunto dramático que recrea dun xeito maxistral e altamente atractivo e humorístico motivos extraídos da realidade diaria do mundo infantil". O xuri decidiu entregar un accésit de honor a Xosé Luna Sanmartín pola súa obra Tulipáns vermellos.
Os nosos parabéns para Carlos Labraña!

O mellor do 2010

O Centro Internacional del Libro Infantil y Juvenil, CILIJ (Salamanca) da Fundación Germán Sánchez Ruipérez, que conmemora este ano o seu 25º aniversario, vén de publicar en decembro de 2010 a guía "Lo + del 2010", unha selección de algúns dos mellores libros editados recientemente para nenos e xóvenes en España.

Nesta guía aparece seleccionado, o libro "Constructores", do autor galego Xulio Gutiérrez Roger, con ilustracións de Nicolás Fernández Prímola(afincado na Coruña), na colección Animais extraordinarios da editorial Faktoría K de Libros.
Na bilioteca de Gálix está este libro ao dispor dos socios e socias.

Ademais, na guía tamén aparece seleccionado (para nenos de 12 a 14 anos), outro libro dunha editorial galega, de Kalandraka, "La casa" de J. Patrick Lewis e Roberto Innocenti.

Grandes novas para a literatura galega!

Bo Nadal e Feliz Aninovo

Desde Gálix queremos desexarvos un Feliz 2011.

2011 bicos, 2011 apertas, 2011 bos desexos, 2011 libros lindos, 2011 premios, 2011 amigos e amigas, 2011 tesouros por achar, 2011 soños cumpridos.

Que o ano que vén sigamos xuntos, unidos. Soñando a vida.

A BIBLIOTECA DE GÁLIX

Lembramos que Gálix ten ao dispor dos socios e socias un servicio de biblioteca con servicio de préstamo.

Contamos cun catálogo de literatura infantil e xuvenil con obras orixinais, traducións, clásicos, novidades...

Moitas obras están agardando por vós.

Animádevos a visitarnos nestas vacacións de nadal!

TERCEIRAS EDICIÓNS PARA FRANCISCO CASTRO

No vindeiro mes de xaneiro, sairán a rúa as terceiras edicións de dúas obras de Francisco Castro: Un bosque cheo de Faias e Chamádeme Simbad.

Desde logo, conseguir chegar a tantos rapaces e rapazas é un éxito que merece ser celebrado.

Desexamos que veñan moitas máis edicións.

Os nosos parabés para Francisco!

NOVA INCORPORACIÓN

Hoxe estamos de celebración!



Temos o pracer anunciar á incorporación á directiva de Gálix de Ana Luna, Profesora titular da Universidade de Vigo (Departamento de Tradución e Lingüística).


Desde aquí, aproveitamos para darlle a Ana Luna a nosa benvida. E tamén as grazas, por se embarcar neste fermoso proxecto.


Desde logo, este equipo está facendo importantes fichaxes!

GÁLIX RENÓVASE

GÁLIX inicia esta etapa cunha nova directiva chea de ilusión:

-Presidente: Francisco Castro
-Vicepresidenta 1ª: Ánxela Gracián
-Vicepresidenta 2ª: Concha Blanco
-Secretaria: Montse Pena
-Tesoureira: Ledicia Costas
-Vocal Bibliotecas: Mercedes Cerdeiras

Empezamos cheos ánimo, forza e moitas ganas de facer cousas.
Iniciamos esta viaxe felices de poder compartir este tesouro: a literatura infantil e xuvenil.